ســـــالفة جرح؟؟؟

[مـــوااادع]

،،،سالفة جرح،،،


يازمان إشهد وإشهد يازمان====منهو اللي علم الثاني الحنين

قبل أعرفه كيف كنت وكيف كان====بعدها شف صار وين وصرت وين

طفلة مرت بتاريخي عشان====يكرم التاريخ كله لأجل عين

أتذكر وقتها الصبح أستدان====وجهها وأصبحت صبح العاشقين

وأتذكر من مضاربها ثمان====طعنتين وطعنتين وطعنتين

صوبتني وين؟؟ في هذا المكان====صوبتني لايسار ولايمين

قلت وأعصابي يغذيها إمتحان====ثورة الرغبه وصمت الحالمين

هزي عروقي شقا والإحنان====وأقطفي من كل عرق(ن) تشتهين

علميني كيف شكل الزعفران====لاتفتت من سلامك باليدين

وعلميني وش يخلي الشمعدان====ينشر شموعه على صبح الجبين

وعلميني وش بقى للخيزران====لاتثنيتي وهو حاول يلين

وعلميني من عطا عيونك أمان====تحتوينا في سلام أمنين

ماتعنيت وتعبت الإ عشان====كل قاسي في محبتكم يلين

من رضى بالشمس مايرضى الطمان====وأنت محبوبي وسيد العارفين

شايف جرحي معك شوف العيان====مايبي له حلف ولا مشككين

مبتدي فيني وأنا عمري ثمان====لين وصلته حدود الأربعين



مــع حــبــي،،،