شفاف
10-27-2004, 11:43 AM
مادام إني أنا والشعر وإحساس القصيد حظور 00 تطمّن يا قصيدي والهقاوي في حراويها
أبروي قصة الظلمى وعن سر إختفاء النور 00 وأبفرد صفحةٍ كنت أتحاشى ذكر ماضيها
أنا واضح وأحب الصدق أقوله لك بدون غرور 00 وإذا جت للصراحة قلت لك قدّه وراعيها
رفضت إني أعيد أحداث ذاك الموقف المذكور 00 وقلت أصبر لعل إن أيامها ترشد لياليها
أنا قدّام عنتر ما بغيت ألبس قناع الثور 00 أبرحل والمعزّة لأهلها ملزوم أبقيها
عزيزي لو سمحت افهم كلامي والعن المدحور 00 ترى بعض النفوس أحيان تسرف في تعاليها
ترى مادام قصر وساسه مْن الأصل كذب وزور 00 يجي يوم ويطيح وزين لا من سلم أهاليها
إذا كان الغرض شد إنتباه الضيف والجمهور 00 تصير اللي بغى يكحل عيونه راح يعميها
ولو قالوا لك أبخص راعي العله من الدكتور 00 أجل وش قولهم لا صار منها العله وفيها
صحيح اني شرهت من إنعدام الراي هو والشور 00 كبيرة شرهتي لا جاء الخطا من صوب واليها
وما دامي شفت قدري عند أبوها ضايع ومهدور 00 مع إنه شوف عيني يا جماعة مسرف فيها
من أجل عيونها ومْن أجل ذاك الخاطر المكسور 00 ولأجل بروقها ورعودها والسيل تاليها
ودخيل الكذبتين اللي لهن وقت الغياب حضور 00 لخاطر من يواليها ومن أجل عيون مغليها
ولأجل اللي رحل يوم انتهك في حقه المحظور 00 وكانت شمعة كم شعللت عتمة لياليها
لو إنه صارت اللي كثر ماجاها يلف.. تـــدور 00 سكتت، وقلت ذولا ناس له رب يجازيها
ولكن من سلايل حر أشقر ينتمي لصقور 00 مقرّه بالجبال النايفه مااحد يواليها
وجتني بعد ماحسّت بأماني تكشف المستور 00 تبث أسرارها وتبوح بالحاصل حواليها
بحجتها أحرجتني لين مات العذر وسط الزور 00 وطاحت عبرة فيني وعني كنت اداريها
وقلت الناس فرق.. ولو تشابه فيهم الديكور 00 ولكن الظماير ماتشابه في مباديها
حقيقة موقفي صعب ولعب فيه إنكساري دور 00 وصرت العاجز اللي ماهو بقادر يجاريها
وعلى حد الأمانه صاح ميثاق الوفاء مذعور 00 حلفت إنك تبي تبعد عن دروبها وتخليها
وصلت الياس وأيقنت الهقاوي كل أبوها بور 00 وعرفت إن المرارة ما قدرت أبلع تواليها
وقلت أنا أشهد إن اللي يسوي فعلتك معذور 00 خصوصاً عند ناس عزته تسبق مباديها
وراحت يوم حسّت بإنتهاكات الزمن والجور 00 طبيعي مادام حسّت بالأفاعي حول رجليها
وبعدها رحت ألملم ما بقا من وجهي المنثور 00 وشامت عزتي والنفس طابت من مماشيها
ومع هذا لها ممنون أقوله لك بكل سرور 00 لأجل ناس عزاز ومن غلاهم لازم أغليها
أنا لو غبت بس اسمي بقى بيناتهم مذكور 00 أخير من الحظور اللي يقرّب لي مساويها
مختاره
أبروي قصة الظلمى وعن سر إختفاء النور 00 وأبفرد صفحةٍ كنت أتحاشى ذكر ماضيها
أنا واضح وأحب الصدق أقوله لك بدون غرور 00 وإذا جت للصراحة قلت لك قدّه وراعيها
رفضت إني أعيد أحداث ذاك الموقف المذكور 00 وقلت أصبر لعل إن أيامها ترشد لياليها
أنا قدّام عنتر ما بغيت ألبس قناع الثور 00 أبرحل والمعزّة لأهلها ملزوم أبقيها
عزيزي لو سمحت افهم كلامي والعن المدحور 00 ترى بعض النفوس أحيان تسرف في تعاليها
ترى مادام قصر وساسه مْن الأصل كذب وزور 00 يجي يوم ويطيح وزين لا من سلم أهاليها
إذا كان الغرض شد إنتباه الضيف والجمهور 00 تصير اللي بغى يكحل عيونه راح يعميها
ولو قالوا لك أبخص راعي العله من الدكتور 00 أجل وش قولهم لا صار منها العله وفيها
صحيح اني شرهت من إنعدام الراي هو والشور 00 كبيرة شرهتي لا جاء الخطا من صوب واليها
وما دامي شفت قدري عند أبوها ضايع ومهدور 00 مع إنه شوف عيني يا جماعة مسرف فيها
من أجل عيونها ومْن أجل ذاك الخاطر المكسور 00 ولأجل بروقها ورعودها والسيل تاليها
ودخيل الكذبتين اللي لهن وقت الغياب حضور 00 لخاطر من يواليها ومن أجل عيون مغليها
ولأجل اللي رحل يوم انتهك في حقه المحظور 00 وكانت شمعة كم شعللت عتمة لياليها
لو إنه صارت اللي كثر ماجاها يلف.. تـــدور 00 سكتت، وقلت ذولا ناس له رب يجازيها
ولكن من سلايل حر أشقر ينتمي لصقور 00 مقرّه بالجبال النايفه مااحد يواليها
وجتني بعد ماحسّت بأماني تكشف المستور 00 تبث أسرارها وتبوح بالحاصل حواليها
بحجتها أحرجتني لين مات العذر وسط الزور 00 وطاحت عبرة فيني وعني كنت اداريها
وقلت الناس فرق.. ولو تشابه فيهم الديكور 00 ولكن الظماير ماتشابه في مباديها
حقيقة موقفي صعب ولعب فيه إنكساري دور 00 وصرت العاجز اللي ماهو بقادر يجاريها
وعلى حد الأمانه صاح ميثاق الوفاء مذعور 00 حلفت إنك تبي تبعد عن دروبها وتخليها
وصلت الياس وأيقنت الهقاوي كل أبوها بور 00 وعرفت إن المرارة ما قدرت أبلع تواليها
وقلت أنا أشهد إن اللي يسوي فعلتك معذور 00 خصوصاً عند ناس عزته تسبق مباديها
وراحت يوم حسّت بإنتهاكات الزمن والجور 00 طبيعي مادام حسّت بالأفاعي حول رجليها
وبعدها رحت ألملم ما بقا من وجهي المنثور 00 وشامت عزتي والنفس طابت من مماشيها
ومع هذا لها ممنون أقوله لك بكل سرور 00 لأجل ناس عزاز ومن غلاهم لازم أغليها
أنا لو غبت بس اسمي بقى بيناتهم مذكور 00 أخير من الحظور اللي يقرّب لي مساويها
مختاره