ابي كلمة عذر !!!

[الدانــــــــه]

ابي كلمـــــة عــــــــــــذر تنفع أقدامها لنســـــــان
خطيت وجرت في حقه مع انه غالـــــــــــي

مع انه له داخلي عالــــــــــم وفي ناظري بــــلدان
سكنها حبه وقدره جعل يومه بعد يومـــــــي

ما أبي انصى احد واشكي وأقول افزع مع يا فلان
أبـــي شي يجي مني.. مادام الجــــانية يــــدي

أبي ما قالها قبلي بها الدنيـــــا بشر.. أو.. جـــــان
أبيــــها ما تفشــلني وترفع راسي وتســــــدي

أبيها تشبه الطفلة صغيره كذبهـــــــا ما بــــــــان
أبيها فـــي معــانيها.. كــثيرة مالـــها حـــــدي

أبيها تشبه الشايب رزينه.. صادقه.. تـــــــــنزان
بكل أعذار ها الدنيا وترضي من مــــلك ودي

أبيها تقبل أيدينه.. وتطلب منه النسيــــــــــــــان
تقول ان خطى جاهل.. ترفق يابعد كبــــــــدي

مابي كلمة أنا آسف مابي حقك علي غلطــــــان
مابي زليت سامحني واعذرني ماهو قصــــدي

مابي كذبة تراى امزح خلاص انسى ترا خلان
مابي كذبة لو ادري بك تزعل صرت من جـدي

أبي كلمة عذر فيها ندم.. توبة.. رجا..عرفـــان
أبي لا جيت بنطقها اعرف إن نطقها يجـــــدي

عجزت وما لقيت اللي يجملني مع الزعــــلان؟؟
طلع كل الكلام اصغر.. مع انه بالعذر يجـــــدي

مشيت ودرت ها لدنيا.. سألت وما تركت إنسان
قلت أروح له واسكت.. إذا انه قال وش عــندي

[ابواطيـــــــــاف]

اختي الغاليه الدانه كلمات قوويه جدا وتعبر عن مأسات حب ظالمه وردود فعل حزينه وفيها حب ظالم لانسان قدر الحب ولاكن هل تكفي كلمه اسف بعد غلطه او خطى او مزحه للاسف انها لاتوفي شي والاعتذار لا بد يرضي الانسان المظلوم وللاسف اكثر الناس لايعرفون التعامل مع الحب ولايعرف قيمه الاعتذار وكيف يعتذر وكلمه اسف ليست لها قيمه لحد ثاتها كلمه تعودنا عليها بالاعتذار ولكن عندما يخطي الانسان لازم يكون مبرر واسباب وحتى الاعتذار يكون في مقام الخطى الله يسعدك اختي الدانه ويوسعها عليك اختي الدانه دام قلمك ودمتي لنا سالمه وانشاء الله الى الامام ولاتحرمينا من جديدك


تحياتي :)