هلوسة عـاشق !! [الأرشيف] - منتديات نبض القلب

أبو ســـارهـ

12-03-2004, 12:28 AM

هلوسة عـاشق !!

مراحل الهلوسة
1. جنون

مدامه قلبك القاسي بـتعـذيبي صـفى جوّه
لك الله قلبي الطيّب ترى فـدوه لتعذيـبـك
تعال اكـسـر مجاديفي وليلي بالعنا طوّه
تعال وبالشـّقا طبـّق علي اعنـف أساليبك
وللجنون بقيّه:
تعال وهشّم ضلوعي على عيني ولاتـمـوّه
تعال اكتبني في دفترك .. من اصدق أكاذيبك
دخيلك قوم عذّبني .... إذا باقي بك مروّه
د خيلك قوم واطـعنّي ولا ترخي مـخالـيبـك

2. الحالة الهستيرية

تفنن في طعون القلب وش يعني لو أتشوه؟
أبمشي بين هالعالم بطعناتـك وامـاريـبـك
أنا مابيك ترحمني ... أبي تطـعنّي وبقوّه
على حسب الطعون اعرف قساوة قلبك وطيـبك
أخاف القلب ما يكفي .. فديتك الحشا كوّه
ابد لا تستحي منّي ... حياك اكبر عـذاريـبـك
أنا كلي تحت أمرك .. وسو إلي تبي سوّه
تبي تطعن .. تبي تكوي ..... تخيّر في ألاعيبك