برقع وجوال

[القناص]

هذا بنات اليوم برقع وجوال

ولا عباية كتف هم يلبسوها

والرس فوق الرس طرحه مع الشال

حتى الخصال الطيبة افقدوها

يوم البنات اللي غد سبت اهمال

ويوم السبايب أهلها هملوها

الأم نامت والأبو صار تمثال

والبنت راحت وين ما يسألوها

بالليل تسهر بين هاتف وجوال

ولاعلى دش الفلس سهروها

اقفاي هي مابين الأسواق واقبال

بلا غرض راحت ولا انشدوها

اللبس تلبس كل ما يطرب البال

وفلوس لوتنقص عليها عطوها

من شافها باللبس ياساتر الحال

يسبها ويسب من خلفوها

كومة لحم وعيون والرمش قتال

ويلا مشت كل الشباب اتبعوها

هم مادروا لون البراقع بتنشال

ونشوف وش تحت البراقع خفوها

يرتاح من صابه من أسبابها هبال

ويشوف والله من عيونه هووها

وين البنات اللي بهم تضرب أمثال

ليت السلوم الطيبة ما تركوها

البنت زين البنت لا زانت الحال

مـــاهو بلبس ولا علوم خذوها

وين المراجل ما بقى غيره ارجال

ليت الشوارب واللحى حلقوها

اللي على عاره رضى الذل ينقال

ليت الكرامة ليتهم يرفعوها

ماعاد ينفع قول فيها ولا قال

لا الأم والله ولا الأبو انفعوها









أصبح ضياع البنت بسباب جوال

البنت ضاعت والأهل ضيعوها 8

[أسيرالذكريات]

اخوي// القناص

اشكرك على هذه الابيات الجميله والرائعه ويااخي العزيز ماهوكل الناس اهمال في

ذلك نبذه بسيطه منهم0000 فكل الشكر لك على هذه المشاركه الجيده

والله لايحرمنا منك ولامن مشاركاتك00 وفي انتظارجديدك القادم

تقيل تحياتي واحترامي

مـــيد والريـــــاض

[صـد و زعـل]

وين المراجل ما بقى غيره ارجال

ليت الشوارب واللحى حلقوها

اللي على عاره رضى الذل ينقال

ليت الكرامة ليتهم يرفعوها


مشكور على روعـــــــه ما اخترت

اخوكـ

[BLACK SMILE]

مشكوررررررر
على هذه الابيات الجميله

[برب]

يسلمووووو اخوي القناص
على هذي القصيده وصح لسانك ولا هنت اخوي

[الامبراطور]

قناص صدقت بكلامك احنا بزمن زفت واللة

اللة يستر اولادما وبناتنا من هذا الزمن

شكرا قناص على كلماتك الصادقة بهذا الزمن الاغبر