والله قهرني !!

[الدانــــــــه]

اتمنى انها تعجبكم .. وابي رايكم بصراحه

انتظرته يوم وشهر
وزاد انتظاري له سنين

قلت يمكن شوقه او لهفته ترده
او يمكن يغلب قلبه الحنين

ويوم رد .... بدمع عيني
ودفا قلبي حضنته
وضاع بشوفته عنا كل السنين

قام يناظرني بنظره ... قتل فيها قلبي الجنين
وبكل بساطه يقول انسي ... وانسي مامضى من السنين

خلاني مابين شكي والجنون
خلى قلبي مابين اقسى معاني الظلم لون

سألته ؟؟
وين لهفتك.. وشوقك .. والحنين
وين كلامك عن الحب .. وعشق لي والجنون
وين وعودك لي ... وين وين ؟؟

صد عني وبصمته الرهيب اكتفى
ونطق وقال قلبي منكم يابنات هاليوم اكتفى

قلتله وانا وسط دمعي غريقه
افتكر... يمكن قلبك من الغربه قسى
او من جور الايام والليالي نسى ؟؟

افتكر ذيك الليالي اللي قضيناها سوى
افتكر ذيك الهدايا والورود والصور
افتكر ذيك الحدايق والزوايا والمطر

اسأل موج البحر والشواطئ والمواني

اسأل بيوت الشعر والخواطر والمعاني
اسأل دقات قلبي وهمساتي والاماني؟؟
اسأل كم يوم فيه كنت بغيابك اعاني
اسأل كم طبيب عجز عنه علاجي
ودواي بيد ك انت يااناني ؟؟؟

كل هالسنين وانا انتظرك واجمع طيوفك
واقول بكره يرد لي ويملى لي حياتي
ويوم رديت .. ماغير ذبحتني وقهرتني ودمرت الامل فيني

بس قبل لاتروح وتختفي من حياتي
لا تقول ان قلبك من بنات اليوم اكتفى
انت اللي مثلك قلبه عمره ماعرف الوفا
مثل صحراء كساها ثوب البرد والخوف والجفاء
وان كان بيك واحه .. فهي سراب مهما مشينا لها مانوصلها ولا لها اي مدى

ويوم صديت عنه .. ورجعت اناظره ..لقيته اختفى
ومابقى غي صمت وليل .. وسكون وظما ..

وبنفس الموعد والمكان اللي بشوفته سرى فيني الدفا
لوحت فيه لعمري وربيع قلبي بكل ايديني
وكل شي انتهى

وتقبلوو تحيااتي ..