حلم العودة

[JaRat_elB7r]

في حلمه المرتقب عندما يعود للديرة وهو يخاطبها ...

يقول الأسير : أنا الحب المولع فيك وطن وجيت أنا أحييك أقبل تربة ترابك , وأشمها ريحة ثيابك , أسير وهذا أنا راجع هزمت الخوف من أجلك أحبـــك من سمـــاك لأرضـــــك .

يايمه هذا أنا راجع وفيني هالوله والع فديتك اسمعي صوتي رجيتك تحيي بي موتي يايمه وينك انتي وينك فيه ؟


* اللقاء الصعــــب *

منو هذي العجوز !! اللي تدور تبكي وتطالع تأشر إنت لالا مو إنت .... أنا بروح أسألها

من ادورين يا يمه ؟
انا واحد من الأسرى ... قولي لي شلي مضيعته شنو إسمه وشنو أوصافه ؟
علامك ساكته أحكي ... يامسكينه ... يا مسكينه تعاني الويل ... انا ادري بك تعافي الويل مثل أم
انما ادري بك تعاني الويل .
يايمه انتي وينك فيه ؟
وبدت تتكلم وتأشر
واحس بصوتها يمي
قريب كنه صوت أمي
اهي أمي
لامو هي
انا أمي ترى أجمل
أنا خليتها بنية
ولكن هذا هو الصوت
قريب حيل من صوتك يايمه انتي وينك فيه ؟
دخيلك تعرفين أمي ؟
يثور بداخلي دمي أدورها من سنين
وشايل همها همي
أقولك وش ملامحها .... طويلة نفس طولي هي
جميلة
وأحلى مني هي
وتسكن
وين تسكن إهي
أنا آسف ترى ضيعت حتى البيت
والله تهت
أنا آسف
ترى ضيعت حتى البيت والله وتهت مثل ماتهتي وانتي بعد !!
سنين الأسر هدتني وليالي الموت خلتني أضيع معنى اسمي وبيتي وحتى صوت أمي
تصدقين .... أشم ريحة أمي فيك
دخيلك تعرفين أمي

** وترد عليه أم الأسير .... نورة **

أنا أمك
أنا أمك
انا من لحمك ودمك
دخيلك صج انت فلان ؟؟
عليك الله تقول فلان ...
انا مافيني انطر بعد ...
ترى صبري يدور الصبر
انا أمك
أنا نورة
نسيت أمك
لا مااظن
انا اللي ماغفت عيني على وسادة من أسرك
انا اللي ماخفق قلبي نبضة مابها اسمك
انا الللي ماتت أيامي على شاطي أمل ذكراك
انا اللي راحت سنيني سدى من يوم ضيعتك
على ذكراك جففت روحي
ويعيوني تناظرها ربي
دعائي ماسكت ليلة ولا لحظة من اسمك
أشوفك مره بس ... وأموت
ضلوعي تعزف الحان للمرض من يوم فقدانك
وأنا وان ضاقت الدنيا اناظر صورتك يا فلان
ابروزها من دموعي
وتدمع هي من عيني
وأنام
أنام وطيفك الغالي يناجيني ياأغلى انسان
تخيلتك معي جالس
أحاكيك وتحاكيني
أضمك حيل بأحضاني ... وأقولك يا غلا ولهان .... وأصدق نفسي من شوقي ... وكنك تحتضن ايديني
تسافر لك عيون للي بقى دمع لها حيران
وتسافر لك بقايا ياأم توصلك عناويني
وبقيت بحيرتي وحدي أموت وأحيا لأجل إنسان
مفارقني ولا يدري عذابه شيب سنيني

* يقاطعها الأسير ويقول *

يايمـــــه
يايمه بس لا تكملين
انا مافيني يكفيني
ولكن ليه تغيرتي ؟
أشوفك انتي شيبتي ؟؟
شعر أبيض كسا وجهك ... تجاعيد وهذي نظارة ... يايمه راح منك الشوف
عيونك ذيك الحلوه انا أذكر لونها أسود صاير لونها أبيض
يايمه انتي ماتشوفين ؟؟؟
ذبحك العمي والخوف .... حزينه كله من أجلي .... فديتـــك والله يايمه ترى مو بس انتي تعاني مثلك انا هم بعد أعاني
ولا تصدقي اذا شفتي ليالي الأسر هدتني ... تعالي شوفي هذا الشيب انا نفسك كساني الشيب
وحتى شوف يايمه قصر صبره وقصر شوفه .... تساوينا يايمه ايه تساوينا .... قولي لي كيفها أخبارك أقبل راحت أقدامك .....

** ترد الأم ((نورة)) **

تقولي كيفها أخباري ذبحني الموت ياوليدي ... تشوفه هذا الشيب كل شيبه تفكر فيك وتسألني وله ترجيك وتصرح لك ضلوع أمك وتتكسر على ذكراك
12 سنة
12 سنة ... أهوجس فيك
أهوجس فيك الليالي
أنادي يافلان ؟؟؟
ولافي يوم انت رديت وانا اللي خايفه منه اموت قبل مااشوفك
تسرك أحوالي ؟
تسرك أحوالي حيل ياوليدي ؟؟
قلي
قلي شنهي أخبارك ؟؟

** يرد الأسير **

وش أخباري
وش أخباري ؟ تحرق هالملا ناري .... قضت ايامي وانا احسب متى أرجع وخفت اني ابد ماارجع يايمه مابقا بي شي مرضت وقلت يايمه ولا رديتي يايمه وانا اذكر يوم ذاك البرد انادي يمه غطيني انا بردان دفيني
ولا جيتي ...
ذبحني الأسر يايمه
ودمر كل طموحاتي
أذكر زين لما انتي تحاكيني
يوم صغير تقولي ... شودك انت تطلع .... تقولي شودك تصير... تقولي وش طموحاتك
وأنا فرحان وأقولك يايمه ودي أصير طيار ومره قلت لك دكتور ولكن ماتحقق شي ....
يايمه ماتحقق شي
ماهقيت بيوم طموحي فيني يتدمر
طموحي فيني يتكسر .....
طموحي إني أظل أسير
يايمه هذا هو حلمي
وتقولي .... ان حلمك خير
ولكن كله ماهمني
أسر تعذيب ماهمني
رجعت لأمي الديرة
هلابك ياوطن والله ولا مثلك وطن ياكويـــــت ... أمثل لأجلك بروحي واتحمل قسى جروحي ولا تركع لأحد في يوم
ياشامخ دايما ً عزك
تحملت الأسر لجلك
ورجعت اللي ابني بك ...
ياجنة وقتنا بك حان
وأظن مامثله بالأوطان
أسير ......‍‍‍‍‍‍‍‍ ‍
ويعني اتأسرت
تبعت ...
اليوم وتدمرت .... بكيت ولا تأثرت
انا كلي فدا الكويت
انا كلي فدا
الكويـــــــــــــــت




حسبي الله ونعم الوكيل

[أسيرالذكريات]

عزيزتي// جارة البحر

اشكرك على هذه المشاركه التي ابكتني كثير عندما قريتها لانها عن افضل انسانه

في هذا الوجود 00 وعن اسير انحرم من هذه الانسانه 0 هذه الانسانه هي الام الحنون

صدقيني اكثر هالعالم لايعرف فضلها بعد الله سبحانه 0 وهي التي وصى عليه رسول

الامه (صلى الله عليه وسلم) صدقيني من انحرم من حنان الام لوعاش الدنيا كلها لايمكن

يعيش سعيد لانوفي حقى الام مهما فعلنا لها00 يطول الحديث عن هذه الانسانه واسف

على الاطاله 00 اتمنى من الله ان يرد اسراء العرب كلهم الى اوطانهم الى احبابهم

عزيزتي / جارت البحر00 قالت الشاعره الراسيه عن الام هذين البيتين

يايمه من ضيم المرض لاتونين 0000 يون قلبي من ونينك ويرتاع

يايمه انا دمي نشف في الشريين 000 ليت المرض فيني وشيل عنك الاوجاع
--------------------------------------------------------------------------------------------------------------
وقال الامير/ بندر يرحمه الله في ولدته هذا بيت

ياليتني بينك وبين المضره000000من غزت الابره الى سكرت الموت

اشكرك مره ثانيه على ماكتبتين لنا عن اعزمخلوقه في هذا الكون ومره ثانيه اسف

الاطاله عليك0 والله لايحرمنا منك ولامن روائعك الرائعه والجميله وفي انتظارجديدك

الاعدمناك

تقبلي جل احترامي وتقديري لشخصك الكريم

الريـ مـيدوــاض

[al_tir]

الاخت

جارة البحر

تحياتى لك

مهما فعل الانسان من فعل وقدم من اشياء لم يجزء الام حتى ولو الشيء اليسير
لو الفنا فيها المجلدات او خططنا المخطوطات ايضا لم تنال شي مقابل ما قدمت فلها من المولى عضيم الجزاء

وربنا يعطيك العافيه

al_tir

[egyfilm]

اختى جارة البحر
كم انتى مبدعة فى كتباتك

وكم من تعبير رائع فى هذه

الخاطرة واشكرك يا اختى لما

يكتب قلمك ابدعى كاابداع الربيع

وفتحى كما تفتح الزهور فى موسم الربيع

تحياتى لك

عاشق فى زمن الخيال
طبيب جراح قلوب الناس اداويها

[ام سامي]

الاخت العزيزة

جارة البحر



ماأعذبها من كلمات وماقسى المها وماامر الحزن واليأس الذى فى عباراتها! 3

جاره البحر

تشكرى لطرحك هذة المحادثه بين الام المكلومه على ولدها وبين الولد الاسير الذى مابيده شئئ!

ولاحول ولاقوه الابالله

تحياتى اختى وبالتوفيق والى الامام! 21 14