(( قصيــده أبكت الكثير من متذوقين الشعر ))

[s3b]

(( قصيــده أبكت الكثير من متذوقين الشعر ))

السلام عليكم ورحمة الله وبركاته


اول مشاركه لي بهذا القسم الشعر الشعبي ان شاء تكون مشاركتي حلوه وعند حسن ضن الجميع

قصة القصيده :


قصتها طول الله اعماركم كان فيه رجال من اهل الشمال وينقال انه من العضيان من عتيبه هذا على حسب ماسمعت كان يحب له فتاه لكن ربي ماكتب بينهم نصيب وتزوجت البنت وهو راح في دربه وكان مدرس للمرحله الابتدائيه تعين بعد فتره في المنطقه الجنوبيه وعندما بدأت الدراسه اول يوم شاف له ولد صغير يحس بشي يجذبه له ولا يدري وش اللي فيه المهم مرت كم يوم بعدين اضطر انه يسال الولد وقال له انت من ولده قال الصغير انا ولد فلان قال له الشاعر ( اللي هو المدرس طبعا ) انت ولد فلانه قال الطفل ايه قام المدرس من ثاني يوم كتب هالقصيده واعطاها الولد وقال عطها امك .





والقصيده هي :




راحت ثمان اعوام حل وترحال*^*راحت ثمان كلها مدلهمه

راحت سنين وايام وشهور وليال*^*مافيه قطر الا وتوجهت يمّه

وعقب الثمان اللي تعبها برى الحال*^*جاب الزمان الكارثه والمطمه

جاني ولدها مبتسم بين الاطفال*^*ومن بسمته ذكرت انا بسمة امه

ركضت له ودمعي على الخد همّـال*^*من كثر شوقي قمت بالحيل اضمه

ساعة حضنته والطفل في يدي مال*^*شميت ريحتها على اطراف كمّه

واليوم بنت الناس في بيت رجال*^*حبن على غير الشرف لي مذمه

مجبور اعوّد واشتكي كل الأجيال*^*بنفس حزينه تايهه مستهمه

برجع غريب(ن) سكته بر ورمــال*^*يموت يحيا يندفن مايهمــه





مع تحياتي