جــــــــــــــــ المشاعر ـــــــــــــــــرح

[ابواطيـــــــــاف]

يفز قلبي كل ماحل طاريـــــــــــــك
وتهلل عروقي لطاري حبيــــــــبي
احساسي قال انك تبيني واناديــــــك
وصدمتني في صدتك ياقريـــــــبي
لاالروح تنساك وللقلب ناسيـــــــــك
لو طالت المدة وطال المغيـــــــبي
من اول بحوري لآخر شواطيــــــك
هز رساء وابحر على شق جيـــبي
جيت المحبه عابر في اراضيـــــــك
وحفرت في ارضك بدايه جليــــبي
وجتني على المحبه خطاويــــــــــك
تجرف سنين المحل من شعيــــبي
ومرت سنيني بين مرك وحاليـــــك
مرت عسى تذكر بالايام طيـــــبي
سايرتها اعوام… الله يخليــــــــــك
حتى عوا لفرقا المحبين ذيــــــبي
واذكر زمان يحرق اوراق ماضيك
ويهل دمعي من سبايب لهيـــــبي
ويضيق كل الكون في عين وافيـك
لاشفت شعري يختفي وسط شيبي
سمعت يوم انك تنادي بغاليـــــــك
وفزت في لهفة وقولي حبيـــــبي
اثره على اللي صار بعدي مواليك
واقفيت قولي مارحمني نصيــبي
وباتت على جرح المشاعر لياليـك
والجرح موته لاغدا من حبيــبي
يفز قلبي وانتفض من طواريــــك
واذكر مع النسيان صدمة قريبي



تحياتي :)