المدينه والغريب

[أبو ســـارهـ]

أهدي هذه القصيده لكل المتواجدين بهذا المنتدى
واتمنى ان تصل الى ذائقتكم ..........


جا ينشد عن الحال كيفه بعد ما هزه حنينه
..... .. قبل يسألني سألته: كيف حالك يالحبيب.؟؟

قال : انا كني غريب ضيّع دروب المدينه
....... قلت : انا كني مدينه تنتظر رجعة غريب

قلت : اجل وش فيك تلعن سيرة الحب و سنينه؟؟
....... قلت : اجل وشلون ما العن سيرته دامك تغيب

أنت .. لمن غبت حتى مرايتك صارت حزينه -
....... كيف ماتبغاني احزن؟؟ وانت لي مثل النصيب

الهدايا .. والرسايل .. والمكاتيب الثمينه
....... و الليالي .. والقمر .. والريح .. والكون الرحيب

كل ماتبعد تجيب الشعر ليه من يدينه
........ و تاخذ جروحي تودي فالمتاهات و تجيب

لا .. يا بعد كل القصيد ونزوة حداه وأنينه
....... لا ذكرتك لاح بيت .. وطاح ورد .. و فاح طيب

و إن نسيتك .. مانساني صوتك المبحوح لينه
....... ياخذ لجرحي بثاره من خطاياك و يطيب

و بعد هذا جاي ترمي ذنبك بوجه المدينه
....... ما دريت إن المدينه كلها شمعة غريب

الشاعر // فهد المساعد


أبـــــــــــو ســــــــــــــــــاره