تعريف العزوبيه

[دكتور الحب]

اسمحوا لي أشارككم بموضوع هو أول مشاركة لي معكم وأتمنى يعجبكم
أنا نقلته من أحد المنتديات وهو بعنوان تعريف العزوبية ان شاء الله يعجبكم
تحياتي لكم
تعريف العزوبية

هي المرحلة العمرية اللي يكون فيها الشاب منبوذ من جميع فئات المجتمع

مواصفات العزابي:

1. مسكين

2. مطفر

3. جائع

4. مديون من جميع الناس الهندي راعي البقاله، مغسلة الملابس، راعي المطعم لو يشوفه يقلبه دجاج شوايه

5. مضطهد

6. مريض

7. الملابس000الله لا يوريك

8. الريحه0000لاتسألون عن هذي

شقة العزابي

1. الصالة: تلفزيون//أربعة طفايات زقاير//ثلاث روس معسل//ترمس شاهي//سطعش بياله منكبه//اثنين وعشرين جريده//خمس دفاتر(مو للدراسه)لااااااا كلها لنا ولهم .

2. غرفة النوم: مرتبة نوم (يسمعون بالسرير)//فنايل مرميه//ثياب وسخه//مسجل//200 شريط 75% جلسات//أكياس مطاعم (شاورما + هارديز + كنتاكي ....... الخ)

3.المطبخ: ستة أو سبعه أكياس بخاري//عشره عشرين قوطي تونة//كورن فليكس>>هذا بالغلط أكيد احد جايبه له //أكياس ليبتون << نص المطبخ ليبتون

مشاكل العزاب
أكثر كلمه يسمعها العزوبي هنا هي (((((((((ممنووووووووووع)))))))))) :

أ/ احتفالات العيد((((((((ممنوووووووووع)))))))))مافيه احتفالات يعني طول السنة

نفس الوضع واذا تبي تحتفل رح للبر لحالك والا طق راسك بأكبر جدار

ب/ دخول الملاهي((((((ممنوووووووع))))) طيب ليه يعني هم اللي بيكسرون الصحن الدوار

والا حاطينه للعوايل بس

ج/ دخول الأسواق((((((ممنوووووووووع)))))))))) وهذي مره مقهورين منها الشباب

ليييييييه يعني يقولون حنا اللي نبي نكسر المحلات والا نبي نقضي البضاعة عن العوايل

-- يقولون إنكم مزعجين داخل السوق-- فيه رجال أمن داخل السوق وأي واحد يحاول

يزعج يطردونه برا ----- يعني حلها سهل

أرفع راسك أنت سعودي ---------- غيرك يدخل وانت تنطق برا في الحر

العزوبي والقَطة

القطه بفتح القاف وهذا مصطلح في معجم العزوبيين يعني رسوم الاشتراك

القطه هي كلمه تسبب الحساسية للشاب الأعزب وهناك أنواع متعددة من القطه منها:

1. قطة الشقة (وهذي غالبا ماتكون قاصمه للظهر) يعني يبيع سراويله عشان يكمل المبلغ

2. قطة الأكل (وهذي لايسمح لك بتناول أي طعام أوشراب الا بعد دفع قطتك فيها

****كل حياة العزوبيين قائمه أساسا على القطه*****

أكل,شرب, نوم, ملابس,كتب ,طواقي,شمغ,حتى السراويل.


العزوبي والسفر

السنة فيها 365 يوم لا يعيش الأعزب مبسوط فيها سوى 20 يوم

بالعربي يعني 345 يوم وهو يجمع الريال فوق الريال عشان إذا جاء الصيف يقدر يسافر للخارج

عاد العزوبي هنا منقطع مايشوف الا الديانه والا الدكاترة اللي مضطهدينه والامديره في

الشغل,,, ولو يكح جمب عايله قالوله أنت تغازل بناتنا ولا يدري عن شي أسمه حنااااااااان

وأول مايو صل برا ويشوف العيشة ما يصدق وتضيع علومه وأي وحده تقوله أحبك يصدقها

ويأمنها على كل شي وما يدري من بكرا الا وهو مطفر عالحدييييييييييييده وضاعت فلوس

345يوم ولا معه حق التكسي للمطار .